Hai que irlle dando,
para que non sexan tan só palabras.

Hai que darlle uso as cousas,
se non se escangallan.
Hai que poñer en funcionamento
aquelas sensacións paradas,
aqueles sentimentos soterrados
polas incomprensibles indiferenzas acumuladas.

Necesario é rescatar valorosamente
aqueles valores que en nós destacan,
arrancar os motores,
para emprender unha digna marcha.

Hai que ir vivindo,
actuando, querendo, axudando,
tirando sempre da esperanza.

Hai que ir indo, teimando,
pintando a tristura coas cores animadas
dándolle color as nosas pensadas olladas.

Hai que irlle dando,
para que non sexan tan só palabras.

Necesario é ir avanzando
con coraxe e valentía,
coa forza que vén das nosas almas
cara a coherencia da vida
cara as furnas das confianzas,
cara aos camiños dos entusiasmos.

Hai que ir tinguindo
con cores vivas e animadas
aqueles sentimentos acorados
nas sensacións desencantadas
dos soños que foran estartelados.

Hai que ir chegando
ás propostas metas empozadas 
desprendéndose das negacións escravas
e soltando os lastres acumulados.

Necesario é sempre inchar
as motivacións que se vaian desinchando.

Hai que irlle dando,
para que non sexan tan só palabras.

Poesía creada por Xurxo M. Gago Chao


Nos días dos ánimos mornos
esquívanse as pucharcas
polos contornos
e líbranse os pes
de semellantes bochornos.

Nos días dos ánimos febles
písanse as pucharcas
móllase a metade do corpo,
culpa é do ánimo
e dos seus trastornos.

Nos días dos ánimos xoviais
tanto teñen os adornos;
non importa empapados ou secos,
nin a chuvia nin os ventos,
nin os pasados remotos,
apreciase a vida de todos os modos.


Poesía Creada por Xurxo M. Gago Chao 



Crucei unha nube de positividade
e respirei un ánimo de calidade.
Saín contento e risoño
ao respirar un positivo aire.

Aterrei no chan cos pes
e os sentimentos negativos
tornáronse do revés.

A vida, que complicada é,
cada certo tempo
hai que renovar a fe.

Poesía creada por Xurxo M. Gago Chao


Limitámonos,
nos límites parámonos,
inda que para máis damos
a pesar do que pensamos.

Temos poder absoluto
sobre os nosos actos.
Dicimos que non podemos
e inda pódese un bo anaco.

Empurrámonos
se querer queremos
cumprir os nosos propios pactos.

Poesía creada por Xurxo M. Gago Chao


Querer é motivo
facer é saber
alento é ser vivo
construír é crer.
Sen fe, descreído 
descrer, desfacer,
camiñar cara ao precipicio
do desánimo do ser.

Poesía creada por Xurxo M. Gago Chao


Ás veces non sae
e vese moi mal a cousa,
dálle que dálle,
e sae unha dificultade nova.

Quérese avanzar
coma unha locomotora
pero vaise a modiño
pola desilusión adulteradora.

Pero chegará a hora,
e sairá, avanzarase,
por iso é bo empeñarse
teimando coa forza toda.


Poesía creada por Xurxo M. Gago Chao


Aí o tes
estache esperando,
decídete e andando.
Ao mellor tardas
pero irás chegando.

Á pouco que haxa esforzo
a confianza irá medrando.
Teima, puxa e tira, 
sempre turrando!

Poesía creada por Xurxo M. Gago Chao


Tes zume
logo espreme,
sácalle o teu xugo
a túa alma alegre.
Deixa de mirar a vida
polo lado que mais fere,
e fixa a túa vista
polo lado que florece.

Poesía creada por Xurxo M. Gago Chao



A vida ás veces descolora
e hai que botarlle colorante
para que non ennegreza toda,
clarexando a cada instante.


Poesía Creada por Xurxo M. Gago Chao

Móvete!
Deixa xa de mirar!
Se ves que podes faino!
Faino xa!
Só mirar non soluciona a cousa.
Deixa xa de chorar!
Facer!
Que non che afogue o rendemento
pois pesa coma unha lousa.
Fai, fai.
Non parezas espantallo,
esperta xa, carallo!
Fai e repousa, fai e repousa.
Non te deixes no abatemento,
espalla alento,
espalla alento,
logo repousa.

Poema creado por Xurxo M. Gago Chao



Desexos ao longo dun ano
novos sentimentos virán
novas penas, novos enganos
novos soños para alcanzar.
Novas metas, novos retos
novos sentires chegarán
novos gustos, novos sustos
novos ánimos inquedos
novas bágoas por chorar.
Novos sorrisos, novas ledicias
nova vida por fabricar.


Poesía Creada por Xurxo M. Gago Chao

inicio
Hai motivos … Unha boa razón fonda e sentida, algo que che pete, ¿que máis dá?, algo que che anime o día, un desexo, un paseo ou un cantar. Unha boa razón fonda e sentida, algo que che pete, ¿que máis dá?, algo que che dea alegría, unha boa melodía, un verso ou un xantar. Unha boa razón fonda e sentida, algo que che pete, ¿que máis dá?, algo que che dea enerxía, lembrar, reflexionar ou meditar, algo que te axudaría inda con chagas a camiñar, algo da túa porfía, dicirlle a vida: - Éche o que hai! Poema de Xurxo M. Gago Chao
tintero

© XURXO M. GAGO CHAO

O Nemetum do Galaicum



logoweb