Son o corazón do noso existir
Son o consolo para as dores que temos
Son un saboroso petisco de agarimo
Son as meiguiñas que nos fan rir
Son un apoio estable e seguro
Son as luces do noso camiño
Son compañeiras na viaxe de vivir
Son as garantes do noso destino
Son as correctoras dos nosos erros
Son as sabias conselleiras do porvir
Son a menciña para os males que padecemos
Son as raíñas das apertas e dos bicos
Unhas estrelas que sempre están a refulxir

Poesía creada por Xurxo M. Gago Chao




Achégate a quen queres
pois o tempo é breve, cedo pasa.
De súpeto, vaise un día a vida
nun suspiro leve, e a culpa abrasa.

Cando poidas aperta,
bica, perdoa, non pasou nada.
Mellor un perdón a tempo,
mellor un achegamento,
que unha eterna lembranza
polo teimoso orgullo da alma.

Achégate a quen queres,
achégate e fala,
faise a vida máis doada
cando unha afronta é perdoada.

Poesía Creada por Xurxo M. Gago Chao


Agasallos materiais
con fecha de caducidade
enchen máis os egos
egos da materialidade.

Agasallos corporais;
praceres da corporeidade,
enchen de tenrura,
sentimento e dignidade.

Agasallos espirituais,
daqueles que o amor ben sabe,
abren as portas do espírito
as abren coa súa chave.

Amor, o máis prezado agasallo,
doce sentimento gratuíto
que unha vez que chega ao espírito
xa comeza a ser cotizado
coma un visón tenro e suave.



Poesía Creada por Xurxo M. Gago Chao



Tirarei de ti,
cando vexa que non podes.
Axudareiche a avanzar,
nos teus momentos peores.
E animareiche;
con apertas, con bicos,
e con mimos doces.
Ti escoitas o que digo,
e cando teño frío dásme abrigo.
Un tira do outro,
o outro tira dun.
Un tapa ao outro
e o outro tapa a un.
O amor é un ben común
que da equilibrio.


Poesía Creada por Xurxo M. Gago Chao


Esparexe sen medo a túa simpatía;
espalla o teu pensamento
a cada amizade coñecida,
aprende con xeito
as cousas que non saibas da vida,
dáse moita por sabida.



Poesía Creada por Xurxo M. Gago Chao

 

Non dou feito,
acumúlaseme o amor,
de amor latexa o meu peito
e amor é o que sinto por dentro
coa xente que quero ao meu redor.
 

Poesía Creada por Xurxo M. Gago Chao


Persoalmente, 
se envío un sorriso
espero outro de volta,
espero unha simpática
simbiose perfecta
entre boca e boca.

Poesía creada por Xurxo M. Gago Chao


Fasme graza
cando me adulas
meniña;
algo quererás,
ti non soltas un bico
tan axiña,
pois se algo queres
ben cedo mo das.



Poesía Creada por Xurxo M. Gago Chao 


Agradézoche a túa atención cara a min,
acostumáchesme mal.
O día que non me atendas
poderei estar perdido
e por non terme atendido
pasareino fatal.
Quero entenderche sen fin
aínda que ti non me entendas

adoezo por estar contigo.

Poesía Creada por Xurxo M. Gago Chao


Dou agarimo a quen o desexe,
un agarimo que protexe.

De agarimo nunca enchido,
canto mais veña, máis vivo.

Non esquezo o cariño recibido
ollos de amor resplandecentes
que me teñen atendido.

Teño agarimo para repartir,

sorrisos, bicos a moreas
e centos de apertas por cinguir.


Poesía Creada por Xurxo M. Gago Chao

inicio seguinte
Hai motivos … Unha boa razón fonda e sentida, algo que che pete, ¿que máis dá?, algo que che anime o día, un desexo, un paseo ou un cantar. Unha boa razón fonda e sentida, algo que che pete, ¿que máis dá?, algo que che dea alegría, unha boa melodía, un verso ou un xantar. Unha boa razón fonda e sentida, algo que che pete, ¿que máis dá?, algo que che dea enerxía, lembrar, reflexionar ou meditar, algo que te axudaría inda con chagas a camiñar, algo da túa porfía, dicirlle a vida: - Éche o que hai! Poema de Xurxo M. Gago Chao
tintero

© XURXO M. GAGO CHAO

O Nemetum do Galaicum



logoweb