Agasallo é un bico,
é unha aperta,
é unha visita a porta aberta,
é agarimo a quen se queira,
é un reencontro fortuíto,
é calquera axuda sinxela,
é un gozo para o espírito,
é unha ilusión á primeira,
é un feito de amor fidedigno,
é unha vivencia moi tenra,
é agradecemento infinito,
é un perdón que se acepta,
é saber querer e con iso xa ben chega.

Poesía Creada por Xurxo M. Gago Chao
 

 

Non dou feito,
acumúlaseme o amor,
de amor latexa o meu peito
e amor é o que sinto por dentro
coa xente que quero ao meu redor.
 

Poesía Creada por Xurxo M. Gago Chao


Agradézoche a túa atención cara a min,
acostumáchesme mal.
O día que non me atendas
poderei estar perdido
e por non terme atendido
pasareino fatal.
Quero entenderche sen fin
aínda que ti non me entendas

adoezo por estar contigo.

Poesía Creada por Xurxo M. Gago Chao


Dou agarimo a quen o desexe,
un agarimo que protexe.

De agarimo nunca enchido,
canto mais veña, máis vivo.

Non esquezo o cariño recibido
ollos de amor resplandecentes
que me teñen atendido.

Teño agarimo para repartir,

sorrisos, bicos a moreas
e centos de apertas por cinguir.


Poesía Creada por Xurxo M. Gago Chao


Grazas á xente que aconsella,
á xente que lle gusta animar,
á que mira aos ollos
mentres está a escoitar.
Grazas a aquelas persoas
que coa súa actitude sen lucro
reparten simpatía noite e día
tinguindo de cores o escuro.

Poesía creada por Xurxo M. Gago Chao

inicio seguinte
Hai motivos … Unha boa razón fonda e sentida, algo que che pete, ¿que máis dá?, algo que che anime o día, un desexo, un paseo ou un cantar. Unha boa razón fonda e sentida, algo que che pete, ¿que máis dá?, algo que che dea alegría, unha boa melodía, un verso ou un xantar. Unha boa razón fonda e sentida, algo que che pete, ¿que máis dá?, algo que che dea enerxía, lembrar, reflexionar ou meditar, algo que te axudaría inda con chagas a camiñar, algo da túa porfía, dicirlle a vida: - Éche o que hai! Poema de Xurxo M. Gago Chao
tintero

© XURXO M. GAGO CHAO

O Nemetum do Galaicum



logoweb