Dende séculos pasados
panxoliñas de Nadal
unha herdanza galega
de músicas e cantar.
Músicas da terra,
panxoliñas para cear.

Din que deus é galego
que dende Galicia
fixo o mundo enteiro
ao son da gaita
e ao compás do pandeiro.

Logo enviou un santo
nunha barca de pedra
para que a xente galega
fixera unha catedral.

Fixo de Galicia un reino
ao que non deixaron reinar
e agasallounos coa fala galega
cun  sentir que é un cantar,
 deulle as panxoliñas tenras
para adourar e para aledar.  

Poesía creada por Xurxo M. Gago Chao




Palabras herdadas,
costumes pagáns,
topónimos antigos
en terra singular.

Cantan os cantigueiros
de mortos ou de vivos,
unha cántiga, un cantar.
Unha cántiga, un xograr.

Cántiga palabra celta,
unha copla trobadoresca.
Cántiga de amor,
cántiga de arrolo,
cántiga da terra.
Cántiga de escarnio,
cántiga de amigo,
versos ó canto
 dun modo satírico.

Cántiga, cántiga, cántiga.
Cántiga, cántiga, cántiga
Cántiga galega.


Poesía creada por Xurxo M. Gago Chao


Dálle a túa gorxa unha boa aturuxada
no medio da troula e da pandeirada.

Haiche quen non da feito
o de aturuxar con xeito!

O aturuxo é artesanal,
haiche quen berra ben
e haiche quen berra mal.

Poesía creada por Xurxo M. Gago Chao


A beira do río cantaba
unha moza nas festas da aldea
e con xeito versos entoaba
sobre amores da súa terra.
Mentres tanto a gaita zoaba,
tiroliro e chascarraschás,
e os mozos todos bailaban
sabendo levar o compás.
Un aturuxo alguén berra,
unha doce voz de cantareira,
e non se pode pedir mais.

Poema creado por Xurxo M. Gago Chao

E chascarraschás!,
loce o charramangueiro.
E chascarraschás!,
soan as cunchas ao compás.
E chascarraschás!,
teño o espírito garuleiro.
E chascarraschás!,
é un non para de aturuxar.
E chascarraschás!
E chascarraschás!
E chascarraschás!

Poema creado por Xurxo M. Gago Chao

inicio seguinte
Hai motivos … Unha boa razón fonda e sentida, algo que che pete, ¿que máis dá?, algo que che anime o día, un desexo, un paseo ou un cantar. Unha boa razón fonda e sentida, algo que che pete, ¿que máis dá?, algo que che dea alegría, unha boa melodía, un verso ou un xantar. Unha boa razón fonda e sentida, algo que che pete, ¿que máis dá?, algo que che dea enerxía, lembrar, reflexionar ou meditar, algo que te axudaría inda con chagas a camiñar, algo da túa porfía, dicirlle a vida: - Éche o que hai! Poema de Xurxo M. Gago Chao
tintero

© XURXO M. GAGO CHAO

O Nemetum do Galaicum



logoweb